Նախընտրելի
Վթարային «Ֆուկուսիմա» ԱԷԿ-ից օվկիանոս է լցվել շուրջ հազար տոննա թույլ ռադիոակտիվ ջուր: Կայանի օպերատոր TEPCO ընկերությունում նման վճիռ են կայացրել Ճապոնիայում սկսված «Մանյի» թայֆունի պատճառով:
Մասնագետները գնահատել են ջրամբարներում պահվող ռադիոակտիվ ջրի մակարդակը: Պարզելով, որ խոսքը մեծամասամբ անձրեւաջրի մասին է, որոշվել է այն օվկիանոս լցնել՝ ջրամբարների ամբարտակների փլուզման վտանգի պատճառով, հայտնում է «Ինտերֆաքսը»: Օվկիանոս են լցրել 1,13 հազար տոննա ջուր՝ շատ ցածր ճառագայթմամբ:
Ավելի վաղ հաղորդվել էր, որ TEPCO-ի աշխատակիցները նախօրեին միջոցներ էին ձեռնարկել ջրամբարներում ռադիոակտիվ ջրի հոսքը կանխելու ուղղությամբ՝ «Մանյի» թայֆունի հնարավոր հարվածի պատճառով:
