նախընտրելի դարձնել
Նյու Դելիում ուսանողուհուն խմբակային բռնաբարության ենթարկած եւ մահապատժի դատապարտված չորս անձանցից երկուսը կարող են բանտում սովորել:
Սեպտեմբերի 18-ին դատարանը Վինայ Շարմային եւ Աքշայ Թաքուրին թույլ է տվել սովորել բանտում՝ հայտարարելով, որ դա նրանց հիմնարար իրավունքն է, գրում է Times of India-ն:
Շարման նախքան 2012թ. դեկտեմբերին կալանավորվելը սովորում էր Դելիի համալսարանի բակալավրի առաջին կուրսում եւ այժմ կշարունակի ուսումը, հայտնում է «Ռոսբալտը»:
Հիշեցնենք, Դելիի դատարանը սեպտեմբերի 13-ին մահապատժի էր դատապարտել նախորդ տարվա դեկտեմբերին 23-ամյա ուսանողուհի Ջոթի Սինգհին խմբակային բռնաբարության ենթարկած անձանց: Հնդկաստանում մահվան դատավճիռներ հազվադեպ են կայացվում, առավել հաճախ դրանք փոխարինվում են ցմահ բանտարկությամբ: Մահվան դատապարտվածները կարող են ներում ստանալու խնդրանքով դիմել նախագահին:
