նախընտրելի դարձնել
Հայաստանի Ազգային ժողովի նախագահ Հովիկ Աբրահամյանը ծննդյան 85-ամյակի կապակցությամբ, այսօր՝ հոկտեմբերի 12-ին, Ազգային ժողովի Պատվո մեդալով պարգեւատրել է ՀՀ ժողովրդական արտիստ, դուդուկահար Ջիվան Գասպարյանին ` մշակույթի ոլորտում ունեցած մեծ ավանդի համար:
ԱԺ մամուլի ծառայությունից հայտնում են, որ հանձնելով բարձր պարգեւը եւ շնորհավորելով ՀՀ Ազգային ժողովի Պատվո մեդալի արժանանալու համար` Հովիկ Աբրահամյանը բարձր է գնահատել վաստակաշատ երաժշտի ներդրումը հայ արվեստը զարգացնելու եւ տարածելու գործում ու մաղթել նրան առողջություն, երկար տարիների կյանք եւ հետագա ստեղծագործական հաջողություններ:
Ջիվան Գասպարյանը շնորհակալություն է հայտնել ԱԺ նախագահին բարձր պարգեւի արժանանալու եւ գնահատանքի համար:
