53-ամյա Աշոտ Գ.-ն ոստիկանության Մուշի բաժնում, հոկտեմբերի 11-ի կեսգիշերին հաղորդում է տվել, որ նույն օրը, ժամը 23.00-ի սահմաններում, Գյումրի քաղաքի Բուլվարային թաղամասի թիվ 10 շենքի դիմաց իր «ԳԱԶ-3102» մակնիշի ավտոմեքենային է բախվել «Մերսեդես Բենց» մակնիշի ավտոմեքենա, որի պատճառով առաջացած վիճաբանության ժամանակ «Մերսեդես»-ի վարորդը` 42-ամյա Մկրտիչ Հ.-ն, «ԱԴՄԱԳԱ» տիպի 9 մմ տրամաչափի գազային ատրճանակից մեկ անգամ կրակել է իր դեմքին՝ ճակատի մասում պատճառելով վնասվածք:

Ոստիկանության մամուլի ծառայությունից հայտնում են, որ նշանակվել են դատաբժշկական եւ դատաձգաբանական փորձաքննություններ:

Ատրճանակը առգրավված է:

Մկրտիչ Հ.-ն ստորագրությամբ բաց է թողնվել:

Կատարվում է նախաքննություն: