ԱՄՆ-ում «ԱՄՆ-Թուրքիա. Ներդրումների շաբաթ» խորագիրը կրող հանդիպումներից մեկի ժամանակ  հայեր բողոքի ակցիա են կազմակերպել  հյուրանոցի դիմաց՝ ստիպելով, որ  ոստիկանությունը թուրքական պատվիրակությանը դուրս հանի խոհանոցի մուտքով։

Թուրքական Milliyet-ի փոխանցմամբ՝ ԱՄՆ-ի Լոս Անջելես քաղաքում  հանդիպումներ անցկացնող Թուրքիայի պատվիրակությունը փոխվարչապետ Ալի Բաբաջանի ղեկավարությամբ հանդիպել է հայկական համայնքի բողոքի ակցիաներին։

Հանդիպումներից մեկը տեղի է ունեցել Լոս Անջելեսի Intercontinental հյուրանոցում, որտեղ ելույթով է հանդես եկել Թուրքիայի փոխվարչապետ Ալի Բաբաջանը։ իսկ այդ ընթացքում հյուրանոցի մուտքի մոտ բողոքի ակցիա են իրականացրել ԱՄՆ-ում բնակվող հայերը։

Ոստիկանությանը չի հաջողվել հյուրանոցի մուտքի մոտ հավաքված հայերին հեռացնել եւ ստիպված են եղել թուրքական պատվիրակությանը հյուրանոցից դուրս հանել խոհանոցի մուտքով։