Հայաստանի վարչապետ Տիգրան Սարգսյանը Բրյուսելում հանդիպել է Եվրոպայի ժողովրդական կուսակցության (ԵԺԿ) գլխավոր քարտուղար Անտոնիո Լոպեզ-Իսթուրիզ Ուայթին եւ քննարկել ՀՀԿ-ի եւ ԵԺԿ-ի համագործակցության ընթացքը եւ հեռանկարները:

Կառավարության մամուլի ծառայությունից հայտնում են, որ այդ համատեքստում, երկուստեք պատրաստակամություն են հայտնել խորացնել համագործակցությունը` դրա համար գտնելով նոր ձեւեր եւ ուղիներ:  Զրուցակիցները կարեւորել են  մշտական հաղորդակցության ապահովումը:

Հանդիպման վերջում վարչապետ Տիգրան Սարգսյանը  ԵԺԿ գլխավոր քարտուղարին  հրավիրել է Հայաստան: