Պարտադիր կենսթոշակային կուտակային համակարգը պարտադրվել է ժողովրդին, եւ այսօր ժողովրդին ամենահուզող խնդիրն է:Այս մասին այսօր` նոյեմբերի 22-ին հրավիրված ասուլիսին ասաց   ԱԺ ՀԱԿ խմբակցության պատգամավոր, Լյուդմիլա Սարգսյանը եւ ավելացրեց, որ դրա դեմ պայքարում է հասարակության գիտակից մասան:

Նրա խոսքով, այն հատվածը, ով իր գրպանի վրա դեռ չի զգացել հարվածը եւ բազմոցին հանգիստ նստած է, մոտ ապագայում գիտակցելով, թե ինչ հետեւանքներ է ունենալու օրենքի ընդունումը, դուրս է գալու փողոց՝ պահանջելով, որ օրենքը մի տարով  հետաձգվի, իսկ հետո վերանայվի:

ԱԺ պատգամավորը կարծում է, որ այդ օրենքը  նշանակում է մտնել քաղաքացու գրպանը,  եւ մնալ այնտեղ: «Մենք մշտապես ականատեսն ենք եղել, թե ինչպես են մեր բուջեն թալանում, իսկ հիմա չեն բավարարվում բյուջեով եւ մտել են ժողովրդի գրպանը: Հիմա ժողովուրդը մտածում, թե ինչ է լինելու 63 տարեկանից հետո, այլ մտածում է, թե հիմա ինչպես  գոյատեւի: Կառավարությունը պարտավոր է վերանայել իր մոտեցումը, եթե ոչ ապա պարտադրվելու է եւ ամբողջ ընդդիմադիր թիմը աջակցելու  է ընդվզմանը»,- ասաց Լյուդմիլա Սարգսյանը: 

Լուսանկարը՝  Արսեն Սարգսյանի/NEWS.am