Հնդկաստանում Դելիի նոր գլխավոր նախարար Արվինդ Քեջրիվալը հրաժարվել է քաղաքի ղեկավարության կողմից իրեն հատկացված նստավայրից, հաղորդում է BBC-ի ռուսական ծառայությունը:

Քեջրիվալին առաջարկել էին տեղափոխվել երկհարկանի շքեղ տուն` 800 քմ ընդհանուր մակերեսով եւ հինգ ննջասենյակներով: Սակայն նախարարը եւ նրա կուսակցությունը, ինչպես նաեւ քաղաքական հակառակորդները քննադատել էին նման ընտրությունը: Քեջրիվալը պահանջել էր իր համար ավելի փոքր նստավայր ընտրել:   

Նրա «Աամ Աադմի» («Պարզ մարդու կուսակցություն»)  կուսակցությունը  Դելիում իշխանության էր եկել կոռուպցիայի դեմ պայքարի շնորհիվ: Քեջրիվալը խոստացել էր վերջ տալ հնդկական քաղաքականության  մեջ տիրող «VIP-մշակույթին»: