նախընտրելի դարձնել
Ֆրանսիայի նախագահ Ֆրանսուա Օլանդը կարող է մեծ ճնշման տակ հայտնվել դերասանուհի Ժյուլի Գայեի հետ իր սիրավեպի մասին հրապարակումների պատճառով։
Հաջորդ շաբաթ նախատեսված է նախագահի մամուլի ասուլիսը, որի ընթացքում նա պետք է ներկայացնի իր տնտեսական ծրագիրը։ Ֆրանսիական մամուլի կարծիքով՝ նախագահի սիրային արկածների մասին հրապարակումը կստվերի Օլանդի քաղաքական հայտարարությունը։
Թերթերից մեկն անգամ հրապարակումը «աղետ» է անվանել նախագահի համար, հայտնում է BBC-ն։
Մամուլի համար հայտարարությունը պետք է նոր շրջադարձ դառնա Օլանդի քաղաքականությունում, սակայն այժմ բոլորը կսպասեն հրապարակումների առնչությամբ նրա արձագանքին։
Հիշեցնենք, ֆրանսիական Closer ամսագիրը Ֆրանսիայի նախագահ Ֆրանսուա Օլանդին մեղադրել էր քաղաքացիական կնոջը դավաճանելու մեջ: Հունվարի 10-ի տպագիր համարում խմբագրությունը խոստացել էր պետության ղեկավարի եւ դերասանուհի Ժյուլի Գայեի կապն ապացուցող լուսանկարներ հրապարակել:
Ֆրանսիայի նախագահին մեղադրել են առաջին տիկնոջը դավաճանելու մեջ
