նախընտրելի դարձնել
Ֆինանսների նախարար Դավիթ Սարգսյանը հունվարի 16-ին «Գնումների աջակցման կենտրոն»-ի աշխատակազմին ներկայացրեց կենտրոնի պետի նորանշանակ պաշտոնակատար Հարություն Թունյանին:
Ֆինանսների նախարարության տեղեկատվության եւ հասարակայնության հետ կապերի բաժնից հայտնում են, թե Հարություն Թունյանը «Գնումների աջակցման կենտրոն» (ԳԱԿ) պետական ոչ առեւտրային կազմակերպության պետի ժամանակավոր պաշտոնակատարի պաշտոնում նշանակվել է Հայաստանի Հանրապետության վարչապետի հունվարի 13-ի որոշմամբ: Մինչ այդ նա զբաղեցրել է ԳԱԿ-ի պետի տեղակալի պաշտոնը:
Խորհդակցության ժամանակ ֆինանսների նախարարը կենտրոնի նորանշանակ ղեկավարի հետ քննարկեց ու նախանշեց այն քայլերի հաջորդականությունն ու առաջնահերթությունը, որոնցով շարունակվելու են գնումների համակարգում սկիզբ առած բարեփոխումները: «Մենք համատեղ ու հետեւողական աշխատանքով պետք է բարելավենք պետական գնումների գործընթացը, նվազագույնի հասցնենք ու բացառենք հնարավոր բոլոր սողանցքները»,-ասաց Դավիթ Սարգսյանը: Նախարարը նաեւ հանձնարարականներ տվեց առաջիկա անելիքների վերաբերյալ:
