Ռուսաստանի վարչապետ Վլադիմիր Պուտինը աշխատանքային այցով ժամանել է Թուրքիայի մայրաքաղաք։ Նրան հրավիրել էր Թուրքիայի վարչապետ Ռեջեպ Թայեփ Էրդողանը։ Երկու պետությունների ղեկավարները հանդիպում կանցկացնեն դեմ առ դեմ, որից հետո երկու երկրների պատվիրակությունների հետ կմասնակցեն ռուս-թուրքական բանակցություններին։ Թուրքիայի վարչապետի հետ հանդիպումից հետո, Պուտինին կընդունի երկրի նախագահ Աբդուլա Գյուլը։ Ինչպես արդեն ասվել է, Թուրքիայում Պուտինի բանակցությունների գլխավոր թեման՝ էներգետիկայի ոլորտում համագործակցությունն է։ Կողմերը կքննարկեն «Հարավային հոսք», «Երկնագույն հոսք-2» եւ Nabucco ծրագրերը։ Պուտինին ու Էրդողանին կմիանա Իտալիայի վարչապետ Սիլվիո Բեռլուսկոնին։