Ադրբեջանական կողմը պարտավոր է հարգել Լեռնային Ղարաբաղի շուրջ բանակցությունների սկզբունքները: Այդ մասին NEWS.am-ի թղթակցին հայտնել է Հայաստանի Հանրապետական կուսակցության պատգամավոր, արտաքին կապերի խորհրդարանական հանձնաժողովի նախագահ Արտակ Զաքարյանը:

Ընդհանուր առմամբ, հավելել է նա, պետք չէ սպասել, որ միջազգային հասարակությունը հանդես կգա ավելի կտրուկ հայտարարություններով, ինչպես սովորաբար, Ղարաբաղի ուժերի հետ շփման գծում տեղի ունեցող միջադեպերի մասին, եւ Հայաստանի Հանրապետության սահմանամերձ գյուղերի գնդակոծությունների մասին վերջին օրերի ընթացքում:

«Տրամաբանությունը, որն ուղեկցում է խաղաղ բանակցային գործընթացը, կառուցվում է վստահության մթնոլորտի, ձեռք բերված համաձայնությունները հարգելու հիման վրա: Այս տրամաբանությունը, ցավոք, պարբերաբար խախտվում է Ադրբեջանի կողմից: Սա հանգեցնում  է սահմանին եւ շփման գծում արկածախնդիր գործողությունների: ԵԱՀԿ Մինսկի խմբի մեր գործընկերները եւ միջազգային այլ կազմակերպություններ պետք է գործնականում մասնակցեն բանակցություններին եւ ստիպեն Ադրբեջանին հետ մնալ գործողություններից, որոնք հանգեցնում են հետընթացի ու լարվածության ողջ տարածաշրջանում»,- հավելել է Զաքարյանը:

Լուսանկարն՝ Արսեն Սարգսյանի