նախընտրելի դարձնել
Հայաստանի նախագահ Սերժ Սարգսյանի հրամանագրով զորամասի կրտսեր սերժանտ Սարգիս Մովսիսյանը հետմահու պարգեւատրվել է «Արիության մեդալով»:
Նախագահի հրամանագրում ասվում է.
«Ղեկավարվելով Հայաստանի Հանրապետության Սահմանադրության 55-րդ հոդվածի 16-րդ կետով և հիմք ընդունելով «Հայաստանի Հանրապետության պետական պարգևների և պատվավոր կոչումների մասին» Հայաստանի Հանրապետության օրենքը` ո ր ո շ ու մ ե մ.
Հայրենիքի սահմանների պաշտպանության գործում ցուցաբերած անձնական խիզախության և նվիրումի, կյանքին սպառնացող վտանգի պայմաններում ծառայողական պարտքը անձնազոհաբար կատարելու համար զորամասի կրտսեր սերժանտ Սարգիս Արմենի ՄՈՎՍԻՍՅԱՆԻՆ հետմահու պարգևատրել Արիության մեդալով»:
Ավելի վաղ NEWS.am-ը հայտնել էր, որ ադրբեջանական դիվերսիայի հետեւանքով օգոստոսի 1-ի լույս օգոստոսի 2-ի գիշերը վիրավորում ստացած 20-ամյա Սարգիս Մովսիսյանը ՀՀ ՊՆ Կենտրոնական հոսպիտալում մահացել է:
Պապ ջան լավ եմ, չգաս.Մահից ժամեր առաջ վիրավորված Սարգիսը գոտեպնդել էր ծնողներին
