Ոստիկանապետ Վլադիմիր Գասպարյանի հրամանով աշխատանքից ազատվել են Ոստիկանության Արմավիրի մարզային վարչության պետ Գագիկ Ավետիսյանը, ոստիկանության Արմավիր քաղաքի բաժնի պետ Համլետ Համբարյանը, բաժնի պետի՝ օպեր գծով տեղակալ Նշան Հախնազարյանը, քրեականի պետ Վահագն Գրիգորյանը: Այդ մասին հայտնել են 168.am-ի աղբյուրները:
Ըստ նույն աղբյուրի, մարզային վարչության պետ է նշանակվելու ոստիկանության գնդապետ Վարդան Նադարյանը, ով մինչեւ այժմ զբաղեցնում է ոստիկանության Շիրակի մարզային վարչության պետի պաշտոնը, իսկ ոստիկանության Արմավիրի բաժնի պետ է նշանակվելու Արթուր Հովհաննիսյանը:
Այս պահին Արմավիրի բաժնի պետը եւ նրա ենթակաները ազատում են իրենց աշխատասենյակները, իսկ նման մասշտաբային ազատումներից ահաբեկված ոստիկանները դիտում են սույն ուշագրավ տեսարանը: Ոստիկանները սա համարում են ոստիկանական «ցեղասպանություն» եւ դա բացատրում առաջիկայում սպասվող ներքաղաքական իրադարձություններով:
Առավել մանրամասն սկզբնաղբյուր կայքում




























