նախընտրելի դարձնել«Արգումնետի նեդելին» հիշել է Հայաստանում տեղակայված ռուսական ռազմաբազայի մասին: Մի շարք լրատվամիջոցներ, վկայակոչելով վերոհիշյալ լրատվամիջոցը, վերատպել են այն հոդվածը, որում ասված է, թե Հայաստանում տեղակայված ռուսական ռազմաբազան օդային շրջափակման մեջ է այն պատճառով, որ Վրաստանն ու Թուրքիան փակել են իրենց երկինքը ռուսական ռազմատրանսպորտային ավիացիայի համար: Հոկտեմբերի 6-ի ժ. 11-ի դրությամբ սկզբնաղբյուր կայքն անհասանելի է:
«Հարավային Կովկասում ռուսական 102-րդ ռազմաբազայի վերազինումը միշտ կատարվել է օդային ճանապարհով: Երկաթուղային եւ ավտոտրանսպորտային էշելոններին իր տարածքով անցնելն արգելում է վրացական կողմը: Ռազմատրանսպորտային ավիացիայի աղբյուրը «ԱՆ»-ին հայտնել է, որ զորամասի համալրումը ռազմական տեխնիկայով եւ սպառազինությամբ ռուսական ռազմական գերատեսչության կենտրոնական ապարատից է կատարվել` մերձմոսկովյան «Չկալովսկի» օդանավակայանից:
Այժմ, ըստ «Ան» թերթի, Հայաստանում տեղակայված ռազմաբազան պարենի համալրման հետ կապված դժվարություններ չունի: Կա նաեւ նոր համազգեստ` նոր «պայմանագրայինների» համար: Սակայն պաշտպանության նախարար Ս. Շոյգուի պահանջած ռազմական ինտենսիվ կրթության պայմաններում սպառազինություն մատակարարելը հրամանատարության անհանգստությունն է հարուցում: Օդային շրջափակման հարցը միշտ բախում է ինքնօրինակ «լռության դավադրության»: Այնուամենայնիվ, ՌԴ ԱԳՆ ներկայացուցիչը հայտարարել է, որ իրենք « տեղյակ են խնդրին» եւ «լուծում են հարցը, սակայն իրավիճակը դեռ դժվար լուծելի է», - ասվում է հոդվածում:
Դեսպանատնից ռուսական կողմի պարզաբանումները ստանալ դեռ չի հաջողվել:
Նշենք, որ ըստ որոշ հայկական աղբյուրների դիտարկման, «Արգումենտի նեդելի» թերթը առանձնանում է ադրբեջանամետ ուղղվածությամբ: Տվյալ դեպքում, Վրաստանի եւ Թուրքիայի օդային տարածքը ռուսական ռազմական օդանավերի համար առաջին ամիսը չէ, որ փակ է: Սակայն դա չի խանգարել թերթին «սենսացիոն» հաղորդագրություն տարածել «ռազմաբազայի շրջափակման» մասին:
