նախընտրելի դարձնելԴեթրոյթի (ԱՄՆ) անշարժ գույքի գործակալության կայքում հայտարարություն է հայտնվել այն մասին, որ տղամարդը պատրաստ է իր երկհարկանի տունը փոխանակել նոր iPhone 6 Plus-ի հետ, գրում է Lenta.ru-ն:
Երեք ննջասենյակով աղյուսե տունը, ճշտում է աղբյուրը, վաճառքի էր հանվել մի քանի ամիս առաջ՝ 5 հազար դոլարով:
Օգոստոսին դրա գինն ընկել էր 3 հազար դոլարի, սակայն սնանկ ճանաչված քաղաքում տուն գնել ոչ ոք չի ցանկանում: Ամերիկացին էլ որոշել է այն սմարթֆոնի հետ փոխանակել:
«Հայտարարությունն իրական է: Իմ հաճախորդն արտասահմանում է եւ ինձ է լիազորել իրականացնել գործարքը: Տան դիմաց նա iPhone 6 Plus կամ iPad է ուզում՝ 32 գբ հիշողությամբ», - պատմել է գործակալը:
2010թ. տղամարդը տունը գնել էր 41 հազար դոլարով՝ վարձով տալու համար:
Դեթրոյթը սնանկ էր ճանաչվել 2013թ. դեկտեմբերի 3-ին: Քաղաքի պարտքերն այդ ժամանակ գերազանցում էին 18,5 միլիարդը, բյուջեի պակասուրդը կազմում էր 280 մլն դոլար:
