նախընտրելի դարձնելԱմերիկացի հայտնի ռեժիսոր Օլիվեր Սթոունը կցանկանար ԱՄՆ քաղաքացիներին աշխարհում կատարվող դեպքերի այլ տեսակետ ներկայացնել Վլադիմիր Պուտինի մասին փաստագրական ֆիլմի միջոցով:
Ռեժիսոր Օլիվեր Սթոունը աշխարհում հայտնի է որպես քաղաքական սուր թեմաներով ֆիլմերի հեղինակ: Տարբեր ժամանակներ նրա կինոնկարների հերոսներ են եղել ԱՄՆ նախագահներ Ռիչարդ Նիքսոնը, Ջոն Քենեդին եւ Ջորջ Բուշը:
Ռուսական լրատվամիջոցների հետ հարցազրույցում Սթոունը նշել է, որ եթե ինքը ֆիլմ նկարահաներ Վլադիմիր Պուտինի մասին, ապա դա գեղարվեստական չէր լինի, փաստագրական կլիներ: Ռեժիսորը նաեւ լրագրողներին պատմել է «ԱՄՆ-ի չպատմված պատմությունը» գրքի մասին: Սթոունն այնտեղ առաջարկում է ամերիկյան պատմությանն այլ տեսանկյունից նայել: «Ցանկացած երկիր թաքցնում է բացասական պահերը, պետության համար շատ դժվար է ինքնաքննադատ լինելը, սովորոբար բոլորն իրենց շատ են սիրում...», – ամերիկացի ռեժիսորի խոսքերն է մեջբերում գործակալությունը:
Սթոունը հանդիսատեսներին հայտնի է «Ժողովուրդը Լարի Ֆլինթի դեմ», «Սպիով դեմքը», «Կեսգիշերային ճեպընթացը» եւ բազմաթիվ այլ ֆիլմերի շնորհիվ:
