նախընտրելի դարձնելՀայկական դրամի անկման պատճառով Հայաստանի տնտեսության ռիսկերը պետք է կառավարելի լինեն: Այս մասին, այսօր՝ դեկտեմբերի 5-ին, լրագրողներին հայտարարել է Հայաստանում Արժույթի միջազգային կազմակերպության (ԱՄՀ) մշտական ներկայացուցիչ Տերեսա Դաբանը:
Նա նկատել է, որ բանկային համակարգի կապիտալի բավարարության գործակիցը մնում է ԿԲ կանոնակարգերի սահմաններում: Դա նշանակում է, որ բանկերը ամրության պաշար են ստեղծել, որը բավարար է ժամանակավոր դժվարությունները հաղթահարելու համար:
Հետաձգված վարկերի ընդհանուր տոկոսը ՀՀ բանկային համակարգում այս տարվա օգոստոսի տվյալներով կազմում է բանկերի վարկային պորտֆելի 7,65 տոկոսը (ԿԲ տվյալներ):
Հանրապետության ֆինանսական կայունության ցուցանիշները այդ ռիսկերը լրիվ վերահսկելի են դարձնում, ասել է ԱՄՀ մշատական ներկայացուցիչը:
Այսպես, բանկային համակարգի կապիտալի բավարարության գործակիցը սեպտեմբերին կազմել է 16,3 տոկոս (վերջին 12 ամսում գրեթե չի փոխվել), իսկ լիկվիդայնության գործակիցը՝ 26,7 տոկոս (նույնպես գրեթե կայուն է մնացել):
Նշենք, որ նոյեմբերի 24-ին Հայաստանում դոլարի փոխարժեքը կտրուկ աճել է հասնելով 433 դրամի: Դեկտեմբերի 5-ի դրությամբ դոլարի փոխարժեքը հասել է 447 դրամի: Որոշ բանկերում դոլարի վաճառքի գինը հասել է 460-ի:
