նախընտրելի դարձնելԹուրքիայի Այդըն քաղաքում 43-ամյա Հասան Քուրթուլուշը տան բաղնիքում 35 դանակի հարվածով սպանել է կնոջը՝ 46-ամյա Այշեգյուլ Քուրթուլուշին։
Թուրքական Radikal-ի փոխանցմամբ՝ Այդըն քաղաքի հիվանդանոցներից մեկում որպես բժիշկ աշխատող Հասան Քուրթուլուշը տուն մտնելուց հետո փնտրել է կնոջը եւ նրան բաղնիքում լվացվելուց տեսել։ Հասանը դանակով հարձակվել է կնոջ վրա եւ 35 հարված հասցրել մարմնի տարբեր մասերին։
Համոզվելով, որ կինը մահացել է, Հասանը զանգել է ոստիկանություն եւ պատմել տեղի ունեցածը։ Դեպքի վայր ժամանած ոստիկանները ձերբակալել են Հասանին, ով բղավել է, որ կինն արժանի էր դրան։
