նախընտրելի դարձնելՀայփոստը եւ Ռուսաստանի փոստը կարեւոր պայմանագիր են կնքել՝ Հայաստանի եւ Ռուսաստանի միջեւ «Ֆորսաժ» արագ դրամական փոխանցումների համակարգը ներդնելու համար:
«Հայփոստ» ՓԲԸ-ից հայտնում են, որ կնքված պայմանագրի համաձայն՝ Հայփոստը եւ Ռուսաստանի փոստը «Ֆորսաժ» համակարգի միջոցով կապ են ապահովելու իրենց փոստային բաժանմունքների միջեւ, որոնց թիվը Ռուսաստանում 44 000 է, Հայաստանում՝ 900:
Հայկական շուկայում նոր այս համակարգը հանրությանը թույլ կտա շատ արագ եւ մրցունակ սակագներով դրամական փոխանցումներ ուղարկել եւ ստանալ Ռուսաստանի ցանկացած փոստային բաժանմունքից Հայաստանի ցանկացած փոստային բաժանմունք, նաեւ հակառակ ուղղությամբ, ներառյալ ամենահեռավոր գյուղերի բաժանմունքները:
Համակարգի շահագործման մեկնարկը նախատեսվում է իրականացնել 2015 թվականի առաջին եռամսյակի ընթացքում:
Միաժամանակ կնքված պայմանագրի շրջանակներում Հայաստանի եւ Ռուսաստանի ազգային փոստային օպերատորները պայմանավորվել են զարգացնել էլեկտրոնային առեւտուրը երկու երկրի միջեւ:
