Ամանորի եւ սուրբծննդյան տոների կապակցությամբ   Երեւանի քաղաքապետ Տարոն Մարգարյանի  հանձնարարությամբ,  ի թիվս  տարաբնույթ նախաձեռնությունների, քաղաքապետարանի  կողմից  4000 երեխաների համար  կազմակերպվել են  ամանորյա  տոնական միջոցառումներ։

Ամանորյա մանկական հանդիսությունների շրջանակում դեկտեմբերի 24-ին Հակոբ Պարոնյանի անվան երաժշտական կոմեդիայի պետական թատրոնում տեղի ունեցած ամանորյա միջոցառմանը ներկա է գտնվել նաեւ Երեւանի քաղաքապետարանի սոցիալական ապահովության վարչության պետ Ռուզաննա Զաքարյանը, ով Երեւանի քաղաքապետ Տարոն Մարգարյանի անունից շնորհավորել է  դահլիճում հավաքված երեխաներին ու նրանց ընտանիքներին՝ Ամանորի եւ Սուրբ ծննդի առիթով եւ վստահեցրել, որ նման նախաձեռնությունները շարունակական բնույթ կկրեն:

Մասնակից երեխաների ցանկում ընդգրկված են  անապահովության գնահատման  համակարգում  հաշվառված   ընտանիքների  երեխաներ,  հաշմանդամ երեխաներ, սիրիահայ ընտանիքների երեխաներ, տարբեր սոցիալական  խմբերի, այդ թվում՝  ազգային փոքրամասնությունները  ներկայացնող  ընտանիքների  երեխաներ։