նախընտրելի դարձնելԻսրայելի Ռահաթ քաղաքում, որը բնակեցված է արաբ բեդվիններով, բախումներ են տեղի ունեցել ոստիկանների եւ տեղի բնակիչների միջեւ: Մեկ բեդվին զոհվել է, երկու կողմերից 20-ից ավելի մարդ՝ վիրավորվել:
Բախումները սկսվել են երիտասարդ բեդվինի հուղարկավորության ժամանակ, որին ոստիկանները սպանել էին մի քանի օր առաջ. երիտասարդը կասկածվում էր թմրանյութերի վաճառքի մեջ: Զոհվածների հարազատները ոստիկաններին մեղադրել են անմեղ մարդու դիտավորյալ սպանության մեջ: Հուղարկավորութան ժամանակ բեդվինների ամբոխը շրջապատել է գերեզմանատունը հսկող ոստիկաններին եւ սկսել քարկոծել: Այնուհետեւ սկսվել են զանգվածային անկարգությունները, փոխանցում է ՏԱՍՍ-ը:
