նախընտրելի դարձնելՀունվարի 20-ին, ժամը 08.20-ին, հիվանդանոցից ոստիկանության Արտաշատի բաժնում հաղորդում է ստացվել, որ ծնոտի սալջարդով իրենց մոտ է ընդունվել 27-ամյա Օհաննա Հ.-ն:
Ոստիկանության մամուլի ծառայությունից հայտնում են, որ տուժողը մեկնած օպերատիվ խմբին հայտնել է, որ վնասվածքն ստացել է փողոցում վայր ընկնելու հետեւանքով:
Նյութերի նախապատրաստման ընթացքում պարզվել է, որ նույն օրը, ժամը 07.30-ի սահմաններում, Արտաշատ-Վերին Արտաշատ տանող խաչմերուկի մոտ Օհաննա Հ.-ի ծանոթը՝ 25-ամյա Սեւակ Հ.-ն, իր ավտոմեքենայի սրահում կենցաղային հարցի շուրջ վիճաբանության ժամանակ ձեռքով հարվածել է նրա դեմքին:
Սեւակ Հ.-ն նույն օրը, ժամը 11.10-ին, բերման է ենթարկվել բաժին:
Օհաննա Հ.-ին տրվել է դատաբժշկի ուղեգիր:
Կատարվում է հետաքննություն:
