նախընտրելի դարձնել
Չինաստանի Ցզյանսու գավառի Նանտոնգ քաղաքում դեռահասը կտրել է սեփական ձեռքը՝ համացանցից կախվածությունից ազատվելու համար: Այս մասին գրում է Telegraph-ը:
Վան անունով 19-ամյա տղան խոհանոցային դանակը ձեռքին դուրս է եկել տանից, նստել մոտակա նստարանին եւ մինչեւ դաստակը կտրել ձախ ձեռքը, այնուհետեւ տաքսի է կանչել եւ գնացել հիվանդանոց: Ընդ որում, կտրված ձեռքը թողել է նստարանին:
«Մենք չենք կարող հաշտվել կատարվածի հետ: Դա այնքան անսպասելի էր: Նա միշտ խելոք տղա է եղել»,- պատմել է տղայի մայրը:
Ըստ Mignews-ի, նա նաեւ նշել է, որ տանից դուրս գալուց առաջ որդին իրեն նամակ է գրել՝ նշելով, որ գնում է հիվանդանոց, սակայն անհանգստանալու պատճառ չկա:
Ոստիկանները հայտնաբերել են կտրված ձեռքը, եւ բժիշկներն այն կարել են: Վանը բացատրել է, որ այդ արել է՝ ցանկանալով դադարել համակարգչային խաղեր խաղալ:
Բժիշկների խոսքով, առայժմ դժվար է ասել, արդյո՞ք կտրված ձեռքը նորմալ կաշխատի:
