«Լոկոմոտիվի» կիսապաշտպան Նիկա Պիլիյեւը , հնարավոր է, որ թողնի Ռուսաստանի առաջնությունը եւ միանա «Փյունիկին»։ Այդ մասին հայտնում է ռուսական «Спорт-Экспресс» պարբերականը։ 18-ամյա Պիլիեւը, ում դեբյուտը եղավ վերջերս պրեմիեր լիգայում «Թերեքի» հետ խաղի ժամանակ, համարվում է իր տարիքի ամենատաղանդավոր ֆուտբոլիստներից մեկը։ Նա Ռուսաստանի երիտասարդական հավաքականի փոխկապիտանն է։ Հոկտեմբերի 1-ին Պիլիեւի պայմանագիրը երկաթուղայինների հետ կավարտվի, իսկ ներկա պահին ֆուտբոլիստը առաջարկ դեռ միայն «Փյունիկից» է ստացել։ «Փյունիկի» ներդնողները մեծացրել են ակումբի բյուջեն, այնպես որ ռուս ֆուտբոլիստի Հայաստան տեղափոխվելու հավանականությունը բավականին մեծ է։