Բրյուսելում մայիսի 7-ին սկսվում է ահաբեկչական կազմակերպությունների հետ կապ ունենալու մեջ կասկածվող 32 անձանց դատավարությունը։ Նրանց մեղադրում են Բելգիայի Վերվյե քաղաքում իսլամիստներ հավաքագրելու եւ Սիրիա ուղարկելու  մեջ։

Ինչպես հաղորդում է RTBF-ն, դատարանում ամբաստանյալի աթոռին տեղ կզբաղեցնի մեղադրյալների մի մասը միայն։ Մյուսներին կդատեն հեռակա կարգով, քանի որ վերջիններս գտնվում են Սիրիայում եւ կռվում են հակակառավարական ուժերի շարքերում։

Մեղադրյալների մեջ է նաեւ Աբդելհամիդ Աբաուդը, որին մեղադրում են ոչ միայն ահաբեկչական կազմավորում ստեղծելու, այլ նաեւ Բելգիայում ահաբեկչություն կազմակերպելու մեջ։

Հետաքննության տեղեկությունների համաձայն՝ նա այս պահին «Իսլամական պետություն» խմբավորման շարքերում է, գրում է «ՌԻԱ Նովոստի»-ն։

Մեղադրյալներին սպառնում է 5-15 տարվա ազատազրկում։