Հայերը պատերազմի ակտիվ մասնակիցներ են եղել։ Այս մասին Հայաստանում ՌԴ ԱԴԾ Սահմանային վարչության հանդիսավոր միջոցառման ժամանակ հայտարարեց պատերազմի վետերան Խաչիկ Հովսեփյանը։

Նա ծնվել է 1926թ.։ Բանակ է զորակոչվել 1944թ., ավարտել ծառայությունը 1950թ.։  Նա հրետանավոր է եղել, կռվել է Հունգարիայում, Չեխոսլովակիայում, Ավստրիայում։ Պատերազմից հետո նա ծառայել է Գերմանիայում։

«Մայիսի 9-ը ինձ համար շատ բան է նշանակում։ Դա Հաղթանակի օրն է եւ Շուշիի ազատագրման օրը»,- նշեց վետերանը՝ հավելելով, որ հպարտ է Հայրենական պատերազմում հայերի մասնակցության համար։

Վետերանը առանձնացրել է ազգերի բարեկամության կարեւորությունը եւ բոլորին խաղաղություն եւ ազգերի բարեկամություն մաղթել։