նախընտրելի դարձնելԱյն բանից հետո, երբ այսօր լրագրողների հետ հանդիպման ժամանակ ֆինանսների փոխնախարար Վարդան Արամյանը հայտարարեց, որ համաշխարհային ճգնաժամը չի ազդել Հայաստանի ֆինանսական շուկայի վրա, ԱԺ ֆինանսավարկային եւ բյուջետային հանձնաժողովի անդամ, ԲՀԿ-ական պատգամավոր Վարդան Բոստանջյանն արձագանքեց. «Ո՞րն է այդ ֆինանսական շուկան: Կա՞ նման բան: Որտեղ է մեր կապիտալի շուկան, որտեղ է մեր ապահովագրական շուկան, արժեթղթերի շուկան: Որ դրանք չկան, համաշխարհային ֆինանսական շուկան բացարձակապես չի էլ նկատում, որ նման բան (Հայաստանում ֆինանսական շուկա) գոյություն ունի»:
Վ. Արամյանը համաձայնեց, որ Հայաստանում կայացած չեն վերը նշված շուկաները եւ հավելեց, որ դա էլ հենց օգնեց, որպեսզի Հայաստանը զերծ մնա ֆինանսական ճգնաժամի ազդեցությունից:
«Այսինքն քանի որ մարդը մահացած է, դա լավ է, որովհետեւ այդ դեպքում նրա վրա ոչինչ չի ազդում»,- նկատեց ԲՀԿ-ական պատգամավորը:
