Երեւանում հեծանվային մշակույթի եւ ընդհանրապես հեծանիվների` որպես մատչելի տեղաշարժման փոխադրամիջոցի տարածմանը զուգահեռ, մի շարք փողոցների մայթերին հեծանվականգառներ են տեղադրվում:

Քաղաքապետարանից NEWS.am-ին հայտնում են, որ այդ նպատակով հայտարարված մրցույթում հաղթած կազմակերպությունը  սկսել է տեղադրել  հեծանվականգառներ, որոնց թիվը ներկայում դեռեւս 40 է:

Դրանց առաջին խմբաքանակը տեղադրելուց հետո ծրագրի նկատմամբ հետաքրքրություն է դրսեւորել նաեւ մասնավոր հատվածը, եւ մինչեւ տարեվերջ համայնք-մասնավոր համագործակցությամբ կտեղադրվի եւս 35 հեծանվականգառ:

Հեծանվականգառների արտաքին տեսքը համաձայնեցվել է Երեւանի քաղաքապետարանի աշխատակազմի պատասխանատու կառույցների հետ։