նախընտրելի դարձնելՈւկրաինացի ալպինիստ Սերգեյ Կայֆաջյանը նվաճել է Պամիրա լեռան 5250 մետր բարձրություն ունեցող գագաթը, ուր մարդկային ոտքը մինչ այդ դեռեւս չէր դիպել: Հայազգի ալպինիստը գագաթն անվանել է «Շարլ Ազնավուրի պիկ»: Կայֆաջյանը, ով գագաթը հաղթահարել է օգոստոսի 25-ին, օգտվելով լեռան գագաթին առաջինը ոտք դնողի իր իրավունքից, գագաթը կոչել է Շառլ Ազնավուրի անունով: Իսկ գագաթի ամենաբարձր կետում դրել է հայկական ծագմամբ ֆրանսիացի շանսոնյեի խորհրդանշական դիմանկարը: Պամիրան ունի եւս մեկ 5000 մետրանոց գագաթ, որը նույնպես շնորհիվ Կայֆաջյանի, ստացել է հայկական անվանում: Գագաթը կոչվում է «Հայաստան», որն ունի 5495 մետր բարձրություն: Այդ գագաթը հայազգի ալպինիստը նվաճել է 2004 թվականի օգոստոսին:
Պատմություն
Տեղադրություն
