Նախընտրելի
Հոկտեմբերի 27-ին, ժամը 20.42-ին ահազանգ է ստացվել, որ Վանաձոր-Բագրատաշեն ավտոճանապարհի 57-րդ կմ-ում՝ Հաղպատ գյուղի մոտակայքում, տեղի է ունեցել քարաթափում, ինչի հետեւանքով ավտոճանապարհը դարձել է միակողմանի:
Դեպքի վայր է մեկնել ՀՓՋ-ի օպերատիվ խումբը:
Պարզվել է, որ քարաթափման հետեւանքով «Աուդի» մակնիշի 33 UP 573 պետհամարանիշի ավտոմեքենան (վարորդ` Վ. Չ.) դուրս է եկել ճանապարհի երթեւեկելի հատվածից եւ կողաշրջվել. զոհեր եւ տուժածներ չկան:
Հրշեջ-փրկարարները ուղղել են ավտոմեքենան եւ դուրս բերել ճանապարհի երթեւեկելի հատված: «Թումանյանի ՃՇՇ» ՍՊԸ-ի աշխատակիցները ավտոճանապարհը մաքրել են քարաբեկորներից:
