նախընտրելի դարձնել
Ռուսաստանի ԱԳՆ պաշտոնական ներկայացուցիչ Մարիա Զախարովան, պատասխանելով ՌԴ ԱԳ նախարար Սերգեյ Լավրովի՝ Երեւան կատարած այցի համատեքստում հայկական լրատվամիջոցներում տարածված տեղեկություններին՝ Լեռնային Ղարաբաղի հարակից շրջաններն Ադրբեջանին հանձնելու հնարավորության մասին, խորհուրդ է տվել չսրել իրավիճակն ու դիմել բաց աղբյուրների:
«Ես չեմ կարող է որեւէ բան ավելացնել այն ամենին, ինչի մասին մանրամասն պատմել է Սերգեյ Լավրովը նոյեմբերի 9-ին Երեւանում կայացած բաց մամուլի ասուլիսի ընթացքում: Նա մանրամասն կանգ առավ այդ հարցի վրա, այդ թվում՝ բանակցային գործընթացի, քննարկված հարցերի վրա: Իսկապես անհրաժեշտ է դիմել սկզբնաղբյուրին, ռուսաստանցի նախարարի խոսքերին: Այդ ամենը հրապարակվել է կայքում»,- ճեպազրույցի ժամանակ ադրբեջանցի լրագրողի հարցին պատասխանել է Զախարովան:
Նրա խոսքով, ռուսական կողմը պահպանում է սերտ կապերը հայ գործընկերների հետ, իսկ ղարաբաղյան հակամարտության կարգավորման հարցում՝ նաեւ ադրբեջանցի գործընկերների հետ:
«Մենք ոչինչ չենք անում, որը կարող է վնասել երկու երկրներին էլ: Մեր խնդիրը բազմիցս հաստատվել է, այն հրապարակային է, ձեւակերպված եւ կենտրոնացած է ղարաբաղյան հակամարտության կարգավորման հարցում մեր մոտեցումներում: Այդ մոտեցումները չեն փոխվել, եւ ես կարող եմ միայն հաստատել դրանք: Հուսով եմ՝ ինչ-որ կերպ հանգստացրի հայկական զանգվածային լրատվամիջոցներին»,- նշել է Զախարովան:
