նախընտրելի դարձնել
Chevrolet ընկերությունն ամբողջությամբ փոխել է համեմատաբար էժան արժեցող Cobalt սեդանի դիզայնը, որի պաշտոնական դեբյուտը տեղի կունենա դեկտեմբերին: Մոդելն առանց քողարկման լուսանկարել են Բրազիլիայում, գովազդային նկարահանումից առաջ: Լուսանկարները հրապարակել է Primeiramarcha պարբերականը:
Ամբողջությամբ փոխվել է սեդանի դիմային մասը, այժմ այն Cruze մոդելի ոճում է: Փոխվել են Cobalt-ի լուսարձակները, թափարգելը եւ կեղծ ռադիատորային ցանցը: Սեդանի հետեւամասը եւս փոքրիկ փոփոխության է ենթարկվել: Խոսքը, մասնավորապես, հետեւի լուսարձակների եւ թափքի ծածկի մասին է, գրում է Motor-ը:
Ամենանկատելի փոփոխությունը ներսում է` մուլտիմեդիական նոր MyLink համակարգի ներմուծմամբ: Primeiramarcha-ում նշում են, որ համալիրն իր մեջ ներառում է սենսորային էկրան, ինչպես նաեւ Apple CarPlay եւ Android Auto սմարթֆոնների ներդրման գործառույթներ:
Բրազիլիայում նորացված «Կոբալտը» կառաջարկվի 1,8 լիտրանոց շարժիչով, որի հզորությունը 110 ձիաուժ է: Շարժիչը համադրվում է կամ վեցաստիճանանի «մեխանիկայի», կամ էլ հինգ դիապազոնանոց «ավտոմատի» հետ:
