նախընտրելի դարձնելՀաշվետու ժամանակահատվածում ՀՀ արտաքին քաղաքականության օրակարգում կարեւոր տեղ է զբաղեցրել ԵՄ հետ բազմաոլորտ հարաբերությունների ընդլայնումը, մասնավորապես՝ Հայաստանի ու ԵՄ միջեւ նոր շրջանակային համաձայնագրի շուրջ քննարկումները եւ բանակցությունները: Այս մասին նշված է Հայաստանի ԱԳՆ 2015 թվականի տարեկան հաշվետվության մեջ:
Նշվում է, որ ՀՀ նախագահ Սերժ Սարգսյանը մայիսին մասնակցել է Ռիգայում կայացած Արեւելյան գործընկերության չորրորդ գագաթաժողովին: Հունվարին ՀՀ ԱԳ նախարարի գլխավորած պատվիրակությունը Բրյուսելում մասնակցել է ՀՀԵՄ համագործակցության խորհրդի 15րդ նիստին։
«ՀՀ ԱԳ նախարար Էդվարդ Նալբանդյանը ապրիլին Լյուքսեմբուրգում մասնակցել է ԵՄ եւ Արեւելյան գործընկերության արտգործնախարարների, մայիսին՝ Բրատիսլավայում կայացած Արեւելյան գործընկերության եւ Վիշեգրադյան քառյակի ԱԳ նախարարների հանդիպումներին, հունիսին` Մինսկում եւ նոյեմբերին` Թբիլիսիում կայացած ԱլԳ երկրների ԱԳ նախարարների ոչ պաշտոնական հանդիպումներին:
Մարտի 1718ը Երեւանում կայացել է Եվրանեսթ խորհրդարանական վեհաժողովի լիագումար նիստը, ինչպես նաեւ՝ ՀՀԵՄ խորհրդարանական համագործակցության կոմիտեի նիստը:
Տարվա ընթացքում Հայաստան են այցելել Եվրոպական հարեւանության քաղաքականության եւ ընդլայնման բանակցությունների հարցերով ԵՄ հանձնակատար Յոհանես Հանը (մարտի 18), Եվրոպական խորհրդի նախագահ Դոնալդ Տուսկը (հուլիսի 20), Եվրոպական խորհրդարանի փոխնախագահ, Եվրանեսթ խորհրդարանական վեհաժողովի փոխնախագահ Ռիշարդ Չարնեցկին (ապրիլի 2224, հոկտեմբերի 16):
Հոկտեմբերի 13ին Լյուքսեմբուրգում ԵՄ խորհրդի որոշմամբ հաստատվել է ՀՀԵՄ նոր շրջանակային համաձայնագրի շուրջ բանակցություններ սկսելու մանդատը, իսկ դեկտեմբերի 7ին Բրյուսելում ՀՀ ԱԳ նախարար Էդվարդ Նալբանդյանը եւ Եվրոպական հանձնաժողովի փոխնախագահ, Եվրոպական միության միասնական արտաքին քաղաքականության եւ անվտանգության հարցերով բարձր ներկայացուցիչ Ֆեդերիկա Մոգերինին պաշտոնապես ազդարարել են ՀՀԵՄ երկկողմ հարաբերությունների նոր իրավական համաձայնագրի շուրջ բանակցությունների մեկնարկը։
Դեկտեմբերի 9ին ՀՀ պատվիրակությունը Բրյուսելում մասնակցել է ՀայաստանԵՄ Շարժունակության շուրջ գործընկերության բարձրաստիճան հանդիպմանը: Հաշվետու տարում նախաստորագրվել է ԵՄ հետազոտությունների եւ նորարարության «Հորիզոն 2020» շրջանակային ծրագիրը, ինչպես նաեւ ստորագրվել է Եվրոպական հանձնաժողովի` Ձեռնարկությունների եւ փոքր ու միջին ձեռնարկությունների մրցունակության «COSME» ծրագրին Հայաստանի անդամակցության վերաբերյալ համաձայնագիրը, որն ուժի մեջ է մտել 2015թ. դեկտեմբերի 29ից: Եվրոպական կողմի հետ ստորագրվել են նաեւ «Աջակցություն Հայաստանի ՓՄՁ ոլորտի զարգացմանը» եւ «Աջակցություն Հայաստանում մարդու իրավունքների պաշտպանությանը» աջակցության համաձայնագրերը»,-ասված է հաշվետվության մեջ:
