նախընտրելի դարձնելՌուսաստանի նախագահ Վլադիմիր Պուտինը հեռախոսազրույց է ունեցել ԳԴՀ-ի կանցլեր Անգելա Մերկելի հետ, տեղեկացնում է Կրեմլի մամուլի ծառայությունը:
«Արտահայտվել է շփման գծում կայուն հրադադարի ապահովման հարցում փոխադարձ հետաքրքրությունը եւ ընդհանուր առմամբ ընդգծվել է 2015-ի փետրվարի 12-ի Մինսկյան պայմանավորվածությունների լայնամասշտաբ իրականացման անայլընտրանքայնությունը», — նշված է հաղորդագրության մեջ:
Զրույցում մասնավորապես անդրադարձել են Ուկրաինայում սահմանադրական բարեփոխմանը վերաբերող հարցերի:
Նախօրեին Ուկրաինայի նախագահ Պյոտր Պորոշենկոյի հետ հանդիպմանը Մերկելը հայտնել էր, որ Բրյուսելը, հաշվի առնելով Դոնբասում ամուր խաղաղության բացակայությունը, պիտի երկարաձգի պատժամիջոցները, տեղեկացնում է «Ռոսբալտը»:
