ՆախընտրելիՀարավ-Աֆրիկյան Հանրապետության նախագահ Ջեյկոբ Զուման համաձայնել է վերադարձնել մի մասն այն միջոցների, որոնք ծախսվել են իր մասնավոր տան բարեկարգման վրա:
Զումայի հայտարարության մեջ ասվում է, որ երկրի ոստիկանությունը եւ գանձապետարանը կպարզեն այն ճշգրիտ գումարը, որն ինքը պիտի վերադարձնի:
2014-ին զեկույց է հրապարակվել, որում պնդում կար, թե նախագահի ընտանիքն անօրինականորեն հարստացել է իր նստավայրերից մեկի վերանորոգման շնորհիվ:
Աշխատանքների արդյունքում լողավազան է կառուցվել, որը գրանցվել էր որպես հրդեհների դեմ պայքարի սարքավորում, ամֆիթատրոն եւ անասնագոմ, տեղեկացնում է BBC-ի ռուսական ծառայությունը:
Ավելի վաղ Զուման հերքել էր նստավայրի բարեկարգման ընթացքում գումարների վատնումը: Ընդդիմությունը նախագահին կոչ էր անում վերադարձնել փողը: Եկող շաբաթ երկրի Սահմանադրական դատարանը կքննարկի համապատասխան բողոքները:
Զուման ՀԱՀ-ի նախագահ է դարձել 2009-ին: Ընդդիմադիրները նրան մեղադրում են երկրում կոռուպցիայի աճի համար:
