նախընտրելի դարձնելՍենսացիոն վիճակագրություն է ներկայացրել ԱՄՆ-ում լուսացուցների վրա տեղադրված այն տեսախցիկների արդյունքների ուսումնասիրությունը, որոնք արձանագրում են ավտոմեքենաների` արգելիչ գծերի գերազանցումը:
Ինչպես պնդում է «Ժողովրդական մեխանիկա» պորտալը` վկայակոչելով Ճանապարհային անվտանգության ապահովագրման ինստիտուտի (IIHS) տեղեկությունները, նման տեսախցիկների տեղադրումը Ֆլորիդայի նահանգում 14,6 տոկոսով մեծացրել է վթարայնությունը: Այսպես, Տամպայում, շրջանի ամենաբնակեցված քաղաքներից մեկում, 23 խաչմերուկում տեսախցիկների հայտնվելուց հետո ՃՏՊ-ների թիվը մեծացել է 51 տոկոսով: Արդյունքում տեղի պատգամավորները նախագիծն անհաջող են համարել եւ որոշել են ապամոնտաժել բոլոր սարքավորումները:
Պարզվել է, որ նման տեսախցիկները հնարավորություն են տվել կրճատել ճանապարհների` 90 աստիճան անկյան տակ հատման կետում բախումների թիվը: Սակայն ձգտելով խուսափել արգելիչ գիծը գերազանցելու համար տուգանքից` վարորդները հաճախ կտրուկ կանգ են առնում լուսացույցի դիմաց, ինչը հանգեցրել է հանդիպակաց ուղղությամբ եկող մեքենաների մասնակցությամբ վթարների թվի էական աճի:
Իմիջիայլոց, IIHS-ի տվյալներով, ԱՄՆ-ում ընդամենը 439 տեսախցիկ կա, որոնք արձանագրում են արգելիչ գծի գերազանցումը:
