նախընտրելի դարձնել
ԿԺԴՀ միջուկային փորձարկումներից ու հրթիռ արձակելուց հետո որպես ուժի դեմոնստրացիա Հարավային Կորեա են ժամանել ԱՄՆ ՌՕՈւ չորս F-22 Raptor կործանիչներ, հայտնում է Gazeta–ն՝ վկայակոչելով «Ռյոնհափ» գործակալությունը:
Հինգերորդ սերնդի «անտեսանելի» կործանիչները թռել են Քյոնգիդո նահանգի Օսան ամերիկյան ավիաբազայի վրայով ցածր բարձրության վրա:
Ավելի վաղ հայտնել էին, որ Հարավային Կորեայում երեք Patriot զենիթհրթիռային համալիրներ են տեղակայել ԿԺԴՀ-ից պաշտպանվելու համար:
Համաշխարհային համայնքի հետ Փհենյանի հարաբերությունների հերթական սրումը հունվարին միջուկային փորձարկումների ու փետրվարին հրթիռ արձակելու հետեւանքն է: ՄԱԿ-ի ԱԽ բանաձեւի խախտման դեմ էին հանդես եկել ԿԺԴՀ հարեւանները՝ ի դեմս Հարավային Կորեայի, Չինաստանի ու Ռուսաստանի, նաեւ Միացյալ նահանգները, Ավստրալիան, Ճապոնիան ու այլ երկրներ:
