Միջազգային վարկանիշային Standard & Poor's (S&P) գործակալությունն իջեցրել է մի շարք նավթ արդյունահանող երկրների վարկանիշները` իր դիտարկումներում  նշելով, որ նավթի գների անկումն ավելի լուրջ էր, քան գործակալության վերլուծաբաններն ավելի վաղ ակնկալում էին:  

Արդյունքում վարկանիշային գործակալությունը վերանայել է Սաուդյան Արաբիայի ինքնիշխան վարկանիշը` այն երկու աստիճան ցած իջեցնելով մինչեւ  А-, Օմանինը`  մինչեւ ВВВ-, Բահրեյնինը` մինչեւ ВВ: Երեք երկրի վարկանիշներին «կայուն»  կանխատեսումն է տրվել, տեղեկացնում է Gazeta-ն: 

Բրազիլիայի վարկանիշն իջեցվել է մինչեւ ВВ` բացասական կանխատեսմամբ: Մնացած բոլոր վարկանիշների կանխատեսումը «բացասական է»:

Ներդրումային մակարդակի  մինչեւ վերջին աստիճան է իջեցվել Ղազախստանի վարկանիշը` ВВВ-ից հասնելով ВВВ- աստիճանի: Վարկանիշի կանխատեսումը    «բացասական» է: