նախընտրելի դարձնել
Կիեւի քաղաքապետ Վիտալի Կլիչկոն համացանցի օգտատերերի շրջանում ժպիտ է առաջացրել իր նոր արտահայտություններով, հաղորդում է «Կորրեսպոնդենտ.net»-ը:
«Անցած տարիներին, երբ կիեւցիներն առանց որեւէ թույլտվության էին արթնանում, այգիներ, զբոսապուրակներ էին կառուցվում, եւ դրա հետեւանքն այժմ վստահության բացակայությունն է», — ասել է քաղաքապետը:
Ինչպես նշել է պարբերականը, «համատեքստից դատելով` Կիեւի քաղաքապետը ցանկանում էր կոչ անել կիեւցիներին չվշտացնել անօրինական կառույցներով, հատկապես` առավոտյան»:
Փետրվարի վերջին մարտի սկզբին ակտիվորեն քննարկվել էր Al Jazeera հեռուստաալիքին Կլիչկոյի տված հարցազրույցը: Լրագրողը քաղաքապետին հարց է տվել, թե ծանոթ է միջազգային իրավապաշտպան Amnesty International կազմակերպությանը: Կլիչկոն ի պատասխան ասել է. «Կներեք, ես Ուկրաինայից եմ»:
Կիեւի քաղաքապետի արտահայտությունները բազմիցս կատակի առիթ են դարձել:
Կլիչկոն բռնցքամարտի WBC վարկածով աշխարհի պատվավոր չեմպիոն է: 2014-ի հունիսից նա զբաղեցնում է Կիեւի քաղաքային վարչակազմի ղեկավարի պաշտոնը:
