նախընտրելի դարձնել
ՌԴ Պաշտպանության նախարարությունը նախատեսում է 1,75 մլն ռուբլով հինգ աֆալին դելֆին գնել, ենթադրվում է պետգնումների կայքում տեղադրված փաստաթղթերից:
Մրցույթի փաստաթղթերում նշված է, որ ռուսաստանյան ռազմական գերատեսչությանը երեքից հինգ տարեկան երկու էգ եւ երեք արու է անհրաժեշտ: ՌԴ Պաշտպանության նախարարությունը պատրաստվում է մարմնի 2,3-ից 2,7 մ երկարություն ունեցող առանձնյակներ գնել, ընդ որում հատուկ նշվում է, որ դելֆինները «պիտի շարժական ակտիվություն դրսեւորեն», հայտնում է ՏԱՍՍ-ը:
Աֆալինների որսը պիտի կատարվի ծովային կաթնասունների մասնագետ անասնաբույժի պարտադիր ներկայությամբ, իսկ դելֆինների տեղափոխությունը պիտի իրականացվի բեռնափոխադրամիջոցներով` ծովային ջրով լի վաննաներում:
Որսից հետո դելֆինների համար «կատարողի տրամադրած» բազայում պետք է պարտադիր կարանտին սահմանվի մեկ ամիս ժամկետով: Թե Պաշտպանության նախարարությանն ինչու են անհրաժեշտ դելֆինները, փաստաթղթերում ճշտված չէ:
