Նախընտրելի
GTSpirit պարբերականը հրապարակել է Mercedes-AMG GLC 63-ի «լիցքավորված» տեսահոլովակի առաջին լրտեսական լուսանկարները: Մեքենան նախ լուսանկարվել է Նյուրբուրգրինգում գերմանական ապրանքանիշի փորձարարական կենտրոնի մոտ, տեղեկացնում է Motor-ը:
Ակնկալվում է, որ ամենահզոր Mercedes-Benz GLC-ը զինված կլինի չորս լիտրանի ութ ցիլինդրանի բիտուրբո շարժիչով, որն արդեն օգտագործվում է С63 AMG ընտանիքի համար: Այդ ագրեգատը մատչելի է երկու մոդիֆիկացիայով` 476 եւ 510 ձիաուժ: «Լիցքավորված» ամենագնացի համար նախատեսված է դրանցից ընդամենը մեկն օգտագործել, թե երկուսը, առայժմ չի հաղորդվում:
Այս պահին այդ մոդելի ամենահզոր տարբերակը Mercedes-AMG GLC 43 4Matic-ն է: Նման մեքենան երեք լիտրանի տուրբինային «վեցնյակ» է ստացել, որը 367 ձիաուժ հզորություն եւ 520 Нм պտույտի պահ է զարգացնում: Ամենագնացը «հարյուրը» հավաքում է 4,9 վայրկյանում: Նրա առավելագույն արագությունը սահմանափակված է 250 կմ/ժ-ով:
GLC 43-ի պրեմիերան տեղի կունենա մարտի վերջին Նյու Յորքի ավտոսալոնում: GLC-ի տարբերակը, ինչպես ակնկալվում է, կներկայացվի Ֆրանկֆուրտում` աշնանը:
