նախընտրելի դարձնել
ՌԴ ԱԻՆ ղեկավար Վլադիմիր Պուչկովն ու Ադրբեջանի արտակարգ իրավիճակների փոխնախարար Ֆաիգ Տագիզադեն քննարկել են համագործակցության հեռանկարները՝ այդ թվում Կասպյան լողավազանին պատկանող երկրների հրշեջ ծառայությունների նախապատարստման ուսումնական համատեղ կենտրոն ստեղծելու հնարավորությունը:
Ինչպես հայտնում են ադրբեջանական ու ռուսական լրատվամիջոցները, մարտի 21-ի երեկոյան Վ. Պուչկովը ու Ֆ. Տագիզադեն քննարկել էին Ռուսաստանի ու Ադրբեջանի արտակարգ իրավիճակների ծառայությունների փոխգործակցության հարցերը: Վ. Պուչկովը հայտնել է, որ Կասպյան տարածաշրջանի հրշեջ – փրկարարական ծառայությունների մասնագետների համար ուսումնական կենտրոն բացելու մասին ադրբեջանական կողմի խնդրանքին ի պատաասխան՝ Ռուսաստանի ԱԻՆ-ն նախապատարստել է ՌԴ կառավարության հրամանի համապատասխան նախագիծը: Ընդ որում ՌԴ ԱԻՆ ղեկավարը նշել է, որ նման ծրագրի անհրաժեշտության հիմնավորումը բավականին բարդ ընթացակարգ է: Վ.Պուչկովը հաստատել է, որ պատրաստ է մայիսին Բաքու գործուղել ՌԴ ԱԻՆ աշխատախումբը՝ ծրագրի նախապատրաստման ու իրականացման վերաբերյալ համատեղ խորհրդակցություններ անցկացնելու համար:
