Ներկայումս կաթը մթերվում է 150 դրամով, իսկ ամառվա ամիսներին մթերման գինը 130 դրամից չի նվազի: Այս մասին, այսօր՝ մարտի 22-ին, Զովունի գյուղում Գյուղատնտեսության նախարար Սերգո Կարապետյանի հետ հանդիպման ժամանակ նշել է Զովունիում 2003-ին հիմնադրված «Թամարա եւ Անի» ՍՊԸ տնօրեն Արմեն Մկրտչյանը:

Նրա խոսքով, սկզբնական շրջանում արտադրության ծավալները փոքր էին, տեսականին`  սահմանափակ,  սակայն  աստիճանաբար  գրավելով  իր ուրույն  տեղը շուկայում՝ մեծացան թե’ արտադրության  ծավալները եւ թե’ թողարկվող արտադրանքի տեսականին: Տնօրենը նաեւ նշել է, որ ներկայումս կաթը մթերվում է 150 դրամով, իսկ ամառվա ամիսներին մթերման գինը 130 դրամից չի նվազի։

Ներկայումս ընկերությունում արտադրվում է կաթնամթերքի լայն տեսականի, պանիրներ, պաղպաղակ, գազավորված զովացուցիչ ըմպելիքներ եւ շշալցված աղբյուրի ջուր: Գործարանը   համալրված  է  ժամանակակից  սարքավորումներով, որոնք ներկրվել են արտերկրից։ Ընկերության արտադրանքը նաեւ արտահանում է։