Ճապոնական ավտոհսկա Toyota Motor Corp.-ը եւ ամերիկյան համակարգչային Microsoft Corp. կորպորացիան պայմանավորվել են համագործակցել այսպես կոչված  «խելացի մեքենա» ստեղծելու համար, որն ի վիճակի կլինի ինքնակրթվել: Ինչպես երեքշաբթի հայտնել է գործարարների համար նածատեսված Nikkei թերթը, այդ նպատակով համատեղ ընկերություն կստեղծվի:  Microsoft-ի  «ամպային տեխնոլոգիաների» օգնությամբ այն կզբաղվի Toyota-ի ավտոմեքենաներից ստացված տվյալների հսկայական զանգվածների մշակմամբ,   հայտնում է ՏԱՍՍ-ը:   

Նպատակներից մեկն ավելի կատարյալ անվարորդ մեքենա-ռոբոտների, դրանց տվյալների բազայի ակտիվ թարմացման համակարգերի եւ նավիգացիոն համակարգերի ստեղծումն է: Նախատեսվում է նաեւ մեքենաներին օժտել  իրենց վարորդների սովորույթները եւ պահանջմունքները ճանաչելու կարողությամբ:  Օրինակ, նրանք կսկսեն մտապահել նրանց սիրած երթուղիները եւ այնտեղ կայանման տեղեր պատվիրել` դրա համար խնդրելով տիրոջ թույլտվությունը: 

Ավտոմեքենաները պիտի նաեւ հնարավորություն ստանան հետեւելու վարորդի առողջական վիճակին` ղեկի միջոցով հաշվելով, օրինակ, նրա զարկերակի զարկերը: