նախընտրելի դարձնել
Ֆրանսիան հետաքրքրություն է ցուցաբերում Nabucco նախագծի նկատմամբ:
Ինչպես հաղորդում է 1news.az-ը վկայակոչելով թուրքական լրատվամիջոցները, Թուրքիայի էներգետիկայի նախարար Թաներ Յըլդըզի հետ հանդիպմանը, ֆրանսիական ընկերությունների ներկայացուցիչները ցանկություն են հայտնել մասնակցել այդ ծրագրի իրականացմանը:
Թուրք-ֆրանսիական ձեռնարկատերերի խորհրդի նախագահ Ժան Լեմյերը հանդիպման ժամանակ հայտնել է, որ Ֆրանսիան մտադիր է միանալ Nabucco-ին եւ ծրագրում է դրա գործընկերներից մեկը դառնալ:
Իր հերթին Յըլդըզն ասել է, թե այդ հարցի լուծումը Թուրքիայի կառավարության իրավասությունն է:
Նշենք, որ Ֆրանսիական ընկերությունները զրկված էին Nabucco-ին մասնակցելու հնարավորությունից Ֆրանսիայի կողմից Հայոց ցեղասպանության ճանաչման պատճառով:
