նախընտրելի դարձնել
Հայաստանի խոշորագույն ֆինանսական գործընկերներից մեկը՝ Վերակառուցման եւ զարգացման եվրոպական բանկը, ԱՐԱՐԱՏԲԱՆԿԻՆ ճանաչել է 2015 թ. Հայաստանի ամենաակտիվ թողարկող բանկ:
Ինչպես NEWS.am-ի հետ զրույցում նշել է բանկի միջազգային գործառնությունների վարչության պետ Զարուհի Մելքոնյանը, վերջին 8-9 տարվա ընթացքում ՎԶԵԲ-ի հետ համագործակցության շնորհիվ բանկը կարողացել է մեծապես ընդլայնել առեւտրի ֆինանսավորման գործարքների ծավալը ՝ թե՛ փոքր ու միջին, թե՛ խոշոր բիզնեսի համար: Ըստ նրա, բանկի ցուցանիշներն այս ոլորտում տարեցտարի բարելավվում են: 2014թ.-ին նախորդ տարվա համեմատ 2015թ. գրանցվել է արտաքին առեւտրի ֆինանսավորման ծավալային առումով 10%, իսկ քանակական 15% աճ` իրականացնելով 153 գործարք:
«Քանի որ առեւտրի ֆինանսավորման գործարքները տարաբնույթ են (կախված հաճախորդի գործարքի երկրից, այդ երկրում նրա գործընկեր բանկից), դրանք անհատական մոտեցում են պահանջում յուրաքանչյուր հաճախորդի դեպքում: Հարկ եղած դեպքում բանակցում ենք նաեւ մեր հաճախորդների գործընկերների հետ` առավելագույնս արդյունավետ կազմակերպելու համար առեւտրի ֆինանսավորման գործընթացը: Ամեն անգամ պետք է նոր խնդիրներ լուծել, ինչը մասնագիտական բարձր պահանջներ է դնում անձնակազմի առջեւ: Այս խնդրի լուծման համար պահանջվում է թիմային աշխատանք եւ մասնագետների շարունակական որակավորում: Ի դեպ, մեր մասնագետները պարբերաբար մասնակցում եւ բարձր արդյունքներ են գրանցում են ՎԶԵԲ-ի առցանց դասընթացներում:
ԱՐԱՐԱՏԲԱՆԿԻՆ համարելով հուսալի գործընկեր՝ ՎԶԵԲ-ը երաշխավորում է նրա առեւտրի ֆինանսավորման գործիքները: Իսկ սա թույլ է տալիս աշխատել արտերկրի գրեթե բոլոր բանկերի հետ, այսինքն՝ գործարքներ կնքել հաճախորդի նախընտրած բանկի հետ, անգամ առանց այնտեղ թղթակցային հաշիվ բացելու անհրաժեշտության:
Իսկ 2013 թ-ից ի վեր Բանկը հանդիսանում է ՎԶԵԲ-ի առեւտրի ֆինանսավորման ծրագրի շրջանակում նաեւ հաստատող բանկ (Confirming Bank), ինչը թույլ է տալիս այլ բանկերի կողմից թողարկված փաստաթղթային գործիքներին հավելել Բանկի հաստատումը:
