Թուրքիայի իշխանությունները  նախկինում  «Գազպրոմին»  «Հարավային հոսքի» համար տրված թույլտվությունները կվերաձեւակերպեն բացառապես  «Թուրքական հոսքի» շինարարության համար: Այդ մասին լրագրողներին հայտնել է «Գազպրոմի» վարչության նախագահ Ալեքսեյ Միլլերը, հայտնում է «ՌԻԱ Նովոստին»:   

«Խոսքը բացառապես վերաբերում է նախկինում «Թուրքական հոսքի»` Ռուսաստանից Թուրքիա ծովային գազատարի համար տրված թույլտվությունների վերաձեւակերպմանը», — ասել է նա` պատասխանելով այն հարցին, թե արդյոք  խոսքը  «Հարավային հոսքի» վերաբերյալ փաստաթղթերի վերաձեւակերպման եւ նախկին կոնֆիգուրացիայում` Բուլղարիայով անցնող խողովակով աշխատանքը շարունակելու մասին է:  

Հիշեցնենք, որ անցած ուրբաթ Արեւելյան Տնտեսական Ֆորումի միջանցքներում Միլլերը խոսում էր, որ   «Գազպրոմը» հաստատում կստանա, որ ավելի վաղ Թուրքիայում   «Հարավային հոսքի» համար տրված թույլտվությունները կգործեն    «Թուրքական հոսքի» համար: Բացի այդ, ընկերությունը եւ Թուրքիայի Էներգետիկայի նախարարությունը պայմանավորվել են, որ ամենամոտ ժամանակ   «Գազպրոմը» թույլտվություն կստանա թուրքական տնտեսական գոտում եւ Թուրքիայի ափամերձ շրջանում երկրաբանական հետախուզման համար, մասնավորապես` «Թուրքական հոսք» նախագծի ընդունման տերմինալի: