Նախընտրելի
Գրող Աքրամ Այլիսլիին Բաքվի դատախազություն են հրավիրել: Այս մասին գրում է ԱՊԱ գործակալությունը՝ վկայակոչելով նրա փաստաբան Էլչին Սադիգովին:
Փաստաբանի խոսքով՝ իրենց դատախազություն են հրավիրել սեպտեմբերի 6-ին:
Աքրամ Այլիսին մեղադրվում է այն բանում, որ 2016 թվականի մարտի 30-ին Հեյդար Ալիեւի անվան միջազգային օդանավակայանում հարվածել է Պետական սահմանային ծառայության աշխատակից Նիխալ Սեիդովին:
Հիշեցնենք, որ Աքրամ Այլիսլին պետք է Վենետիկ մեկներ՝ մասնակցելու գրական փառատոնի, որտեղ մտադիր էր զեկույցով հանդես գալ: Զեկույցում նա մտադիր էր իր թիվս ամենայնի անդրադառնալ նաեւ Ադրբեջանի իշխանությունների հայատյաց քաղաքականությանը: Գրողին թույլ չեն տվել մեկնել երկրից, ավելին՝ նրա մասնակցությամբ միջադեպ են սադրել ու 78-ամյա գրողին մեղադրել ոստիկանի վրա հարձակվելու մեջ: Ինքը Այլիսլին մեղադրանքի հետ համաձայն չէ: Նա պնդում է, որ չի հայհոյել ու չի ծեծել ոչ մեկին: Այլինսլին համարում է, որ իրեն հետապնդում են իր ստեղծագործական գործունեության պատճառով:
Աքրամ Այլիսլիի նկատմամբ հետապնդումները նոր չեն, դրանք սկսվել էին նրա «Քարե երազներ» վեպի հրատարակումից հետո, որտեղ գրողը համարձակվել էր դրական արտահայտվել հայերի մասին: «Ազգերի բարեկամություն» ամսագրում նրա ստեղծագործության տպագրումից հետո Աքրամ Այլիսլիի նկատմամբ հետապնդումներ են սկսվել, նրան զրկել են կոչումից ու նույնիսկ սպառնացել «ականջները կտրել»:
