«Հայկական ժամանակ» թերթը գրում է. «Անկախության 25-ի ամյակի կապակցությամբ համաներում հայտարարելու մասին խոսակցությունները մեծ գլխացավանք կարող են դառնալ ոստիկանության համար։

Ոստիկանությանը մոտ կանգնած մեր աղբյուրները հայտնում են, որ թեպետ համաներումը կարեւոր երեւույթ է ու շատ մարդիկ իսկապես դրա կարիքն ունեն, սակայն այն նոր խնդիրներ կառաջացնի։ Իրավապահների շրջանում տարածված դժգոհություններից է, որ աճելու են գողությունները։ «Համաներմամբ ազատվելու են նաեւ շատ մարդիկ, ովքեր ունեն, ասենք, գողության համար մի քանի դատվածության։ Այդ մարդիկ Հայաստանում, որտեղ անգամ դիպլոմավոր մասնագետներն աշխատանքի խնդիր ունեն, հիմնականում անգործ են մնալու։

Իսկ նրանք պետք է սնվեն, հագնվեն եւ այլն։ Ուստի մեծ է հավանականությանը, որ նրանց մեծ մասը նորից վերադառնա հին «փեշակին»՝ գողությանը։ Իսկ դա գլխացավանք է ոչ միայն իրավապահների, այլեւ մեր ազգաբնակչության համար»:

Առավել մանրամասն՝ թերթի այսօրվա համարում